ဗုဒ္ဓ၀င်ကျမ်းဆိုသည်မှာ။ ရှင်ဂေါတမအတ္ထုပ္ပတ္တိအကြောင်းအရာတို့ကို၊ ရေးသားဖေါ်ပြသောကျမ်းဖြစ်သည်၊ သို့သော်လည်း၎င်းကျမ်းကို၊ မည့်သည့်အချိန်တွင်၊ မည်သည့်ကာလတွင် မည်

ဗုဒ္ဓ၀င်ကျမ်းဆိုသည်မှာ။ ရှင်ဂေါတမအတ္ထုပ္ပတ္တိအကြောင်းအရာတို့ကို၊ ရေးသားဖေါ်ပြသောကျမ်းဖြစ်သည်၊ သို့သော်လည်း၎င်းကျမ်းကို၊ မည့်သည့်အချိန်တွင်၊ မည်သည့်ကာလတွင် မည်သူကရေးသားထားပါသနည်းဟုဆိုလျှင်၊ ရှင်တော်ဂေါတမကွယ်လွန်၍၊ နှစ်ပေါင်းငါးရာကျော်မှာ၊ သထုံပြည်တွင် နောက်ကဖေါ်ပြခဲ့သော၊ ရှင်ဗုဒ္ဓတ်ရေးသားသောကျမ်းဖြစ်သည်။ ၎င်းဆရာအခြေပြု၍ရေးသားသည်မှာ၊ ရှင်တော်ဂေါတမမပေါ်ထွန်းမီ၊ ဗြဟ္မဏဆရာတို့စီရင်ရေးသားထားသော ပူရာဏီတဆယ့်ရှစ်ကျမ်း၊ ရာမ၀တ္ထု၊ ရဂုသ၀တ္ထု၊ ဣသျှရဗေဒင်ကျမ်း စသည်တို့ကိုအမှီပြု၍။ ရှင်ဗုဒ္ဓတ်သည်၊ မိမိညာဏ်ဖြင့်ဖြည့်စွက်၍၊ ရှင်ဂေါတမကိုခြီးမြောက်၍ရေးသားသောကျမ်းဖြစ်သည်၊ ၎င်းဗုဒ္ဓ၀င်ကျမ်း၍ပြဆိုသည်မှာ၊ ယခုဘဒ္ဒကမ္ဘာ မဟာသမတ သင်္ခစကြာမင်းကြီးမှစ၍ရေတွက်သော်။ သမတမင်းပေါင်း၊ သုံးသိန်းသုံးသောင်းလေးထောင်ငါးရာ့ခြောက်ဆယ့်ခုနှစ်ဆက်တွင်၊ သက္ကတတိုင်းကပ္ပိလ၀တ်ပြည်ကို အစိုးရသော သုဒ္ဓေါဓနမင်းကြီး၏မိဖုရားဖြစ်သော မာယာဒေ၀ီဝမင်း၌ ရှင်ဂေါတမအလောင်းသည်၊ တုသိတာနတ်ပြည်မှစုတေ၍၊ ဘိုးတော်အဉ္ဖနမင်းကြီးသည်၊ ကမ္ဘာသက္ကရာဇ် ရှစ်ထောင့်ခြောက်ရာလေးဆယ့်ငါးခုကို၊ န၀စန္ဒိကိန်းဖြင့်ဖြိုပြီးသော်၊ လူတို့အရေအတွက်အားဖြင့်၊ ခြောက်ဆယ့်ခုနှစ်ခုနှစ်၊ ၀ါဆိုလပြည်၊ ကြသပတေးနေ့ ဥတ္တရာယှဉ်သည့် နက္ခတ်လနှင့်ယှဉ်သော။ သံခေါင်ယံညအချိန်တွင်။ ပဋိသန္ဓေတည်သည်ဟု့၊ ၎င်းဗုဒ္ဓ၀င်ကျမ်းတို့ကပြဆိုသောကြောင့် ဆင်ခြင်ရန်မှာ၊ ကမ္ဘာဦးမဟာသမတသင်္ခစကြာမင်းကြီးမှစ၍၊ သုဒ္ဓေါဓနမင်းကြီးအထိ၊ ရေတွက်၍ပြသော်မင်းပေါင်း၊ သုံးသိန်း သုံးသောင်း လေးထောင် ငါးရာ့ခြောက်ဆယ့်ခုနှစ်ခုနှစ်ဆက်သောမင်းတို့နှင့်၊ ဘိုးတော်ကဉ္ဖနမင်းကြီးဖြိုပစ်သော ကမ္ဘာသက္ကရာဇ်၊ ရှစ်ထောင်ခြောက်ရာလေး ဆယ်လေးဆယ့်ငါးခု့ကို နှိုင်းယှဉ်၍ကြည့်လျှင်။ နှစ်၏အရေအတွက်ကနည်း၍၊ သမတမင်းပေါင်းကများနေသောကြောင့်။ မင်းတပါးလျှင်။ ထီးနန်းစည်းစိမ်နန်းစံနှစ်ကိုမဆိုထားနှင့်ဦး၊ အမိဝမ်းတွင်းကမွေးဖွား၍၊ သူငယ်အဖြစ်တွင်မှ၊ တစ်ရက်နှင့်သုံးဆယ်နာရီ၊ တဗီဇနာတခရာခန့်သာအသက်ညီမျလေ သောကြောင့်။ ထိုစကားနှစ်ရပ်တွင်။ သမတမင်းပေါင်းကိုအမှန်ယူပါက၊ သက္ကရာဇ်ရှစ်ထောင်ခြောက်ရာလေးဆယ့်ငါးခုသည်အမှားဖြစ်ရပေလိမ့်မည်၊ သက္ကရာဇ်ကိုအမှန်ယူပါက၊ သမ္မတမင်းပေါင်းသုံးသိန်းလေးထောင်ငါးရာ့ခြောက်ဆယ်ခုနှစ်ဆက်သည်အမှားဖြစ်ရပေသည်။ ထို့ကြောင့်အထက်ပါစကားနှစ်ရပ်သည်လည်း၊ နှစ်ယောက်ရေးသားသောကျမ်းမဟုတ်၊ ရှင်ဗုဒ္ဓတ်တဦးတည်းရေးသားသောကျမ်းစကားပင်ဖြစ်လေသည်။ ၎င်းအပြင်ရှင်ဂေါတမမပေါ်ထွန်းခင် သက္ကရာဇ်ကျမ်းဆရာတို့ကပြသေးသည်မှာ၊ ကင်္လံရာရပ္ဗတောဂုဏသမ္ဘပဉ္စဒုကေဂတေ၀ဆရေဗဟုဓဗ္ပေဓမ္မ၀ိဒါဂေါတမာဘိဓာ။ ကင်္လံ၊ ကမ္ဘာနှဏ်ခု၏ အာရပ္ဗတော အဦးအစမှစ၍၊ ဂုဏသမ္ဘေပဉ္စဒုတေ၊ နှစ်ပေါင်းငါးရာ့ခုနှစ်ဆယ်။ ၀ရေ နှစ်သည်၊ ဂတေ ရောက်လေသော်၊ ဓမ္မ၀ိဒါ၊ တရားကိုသိသော၊ ဂေါတမာဘိဓာ၊ ဂေါတမအမည်ရှိသောဆရာသည်၊ ဝေ စင်စစ်၊ ဗဟုဝါ ပေါ်ထွန်း၏၊ ။ ဟူ၍၀ိနယလင်္ကာရကျမ်း၊ အဘိဓမ္မာသမိုင်းကျမ်းတို့တွင်တွေ့ရလေသည်။ ၎င်းစကား၏အဓိပ္ပါယ်မှာ၊ ကမ္ဘာဦးသူတို့နှစ်၏ရေတွက်သည်မှစ၍။ နှစ်ပေါင်းနှစ်ထောင့်ငါးရာခုနှစ်နှစ်ရှိသောအခါ။ ရှင်ဂေါတမပေါ်ထွန်းသည်ဟု၊ ၎င်းကျမ်းဆရာတို့ကပြဆိုလေသည်၊ သို့သော်လည်း၎င်းကျမ်းဆရာတို့ကပြဆိုသောပါဠိသည်၊ စင်စစ်အားဖြင့်၊ ၀ိနယလင်္ကာရဆရာ၊ အဘိဓမ္မာသမိုင်းဆရာတို့၏ကျမ်းရင်းစကားမဟုတ်၊ ထိုပါဠိသည်လည်း၊ သင်္ကရိုက်စကားလည်းမဟုတ်၊ မာဂဓပါဠိစကားလည်းမဟုတ်၊ ဘင်္ဂလီ၊ နာဂလီ စကားတို့သာဖြစ်လေသည်။ ၎င်းစကားသည်မူလရင်းအဘယ်ကျမ်းတွင်မျမပါဘဲ၊ အဘယ်မှထွက်လာရပါသနည်းဟုဆိုရပါလျှင်၊ နောက်ပြခဲ့သောဆရာတို့က စီရင်ရေးသားသော၊ ပူရာဏီ တစ်ဆယ့်ရှစ်ကျမ်းအ၀င်ဖြစ်သော ဂေါတမပူရာဏီကျမ်းစကားသာဖြစ်လေသည်။ ၎င်းခုနှစ်သက္ကရာဇ်ကိုပြသောစကားသည်၊ ယခုဗုဒ္ဓဘာသာလူတို့ကိုးကွယ်သော ရှင်တော်ဂေါတမပေါ်ထွန်းသော၊ ခုနှစ်သက္ကရာဇ်ပြသောကျမ်းစကားမဟုတ်၊ ရှင်တော်ဂေါတမ၊ မပေါ်ထွန်းမီ၊ ရှေးအစဉ်အဆက်ကဗေဒင်ကျမ်း၊ ဆေးကျမ်း၊ ဂြိုလ်နက္ခတ်တာရာကျမ်း အစရှိသည်တို့ကိုစီရင်ရေးသားသော ဗြဟ္မဏပုဏ္ဏားမျိုး၊ ဂေါတမဆရာရသေ့ ပေါ်ထွန်းသောခုနှစ်သက္ကရာဇ်ကိုပြသော ဂေါတမပူရာဏီကျမ်းစကားဖြစ်လေသည်။ ယခုနောက်မှရေးသားသော ၀ိနယလင်္ကာရဆရာ၊ အဘိဓမ္မာသမိုင်းဆရာတို့က။ ယခုဗုဒ္ဓဘာသာလူတို့ ကိုးကွယ်သောရှင်ဂေါတမကိုရည်ညွန်းလို၍ မိမိတို့ကျမ်းတွင်ထည့်တွင်းရေးသားကြောင်း ထင်ရှားစွာသိရလေသည်။ ဤကား။ အမှားအမှန်ကိုပိုင်းခြား၍သိနားလည်စေရန်ရွေးချယ်စီစစ်၍ပြသလိုက်ပါသည်။ ။

Posted in: ဗုဒ္ဓေါဝါဒ