ရှင်ဂေါတမရသောသဗ္ဗညုတညာဏ်တော်ကိုပြခြင်းအကြောင်း။ ။

ရှင်တော်ဂေါတမသည်၊ အလုံးစုံအကြွင်းမရှိသိမြင်နိုင်သောရွှေညာဏ်တော်ရသည်ဆိုသည်၊ သို့သော်လည်း၊ ရှင်တော်ဂေါတမသည်၊ လောကီ၊ လောကုတ္တရာနှစ်ဖြာသောအရာတို့ကို အကြွင်းမရှိသိမြင်သည်မဟုတ်၊ အဘယ့်ကြောင့်ဆိုသော်၊ ပိဋကတ်ကျမ်းတို့ကပြဆိုသောပါဠိကို ထောက်၍သိရသည်။ ပိဋကတ်ကျမ်းတို့ကဆိုသောအရာကိုပြဆိုဦးမည်။ ။သဗ္ဗညုတဥာဏမ္ပနကာမာဝါစရဓမ္မံလောကီယမေ၀ါတိ။ ။မြန်မာလိုအနက်ဆိုရပါက၊ သဗ္ဗညုတဥာဏမ္ပန၊ သဗ္ဗညုတဥာဏ်ဟူသည်ကား၊ ကာမာဝစရဓမ္မံ၊ ကာမ၀ါစရတရားဖြစ်သော၊ လောကီယမေ၀၊ လောကီဓါတ်နှင့်ယှဉ်သောဥာဏ်ပေတည်း၊ ဣတိ၊ ဤသို့၊ ဒဌဗ္ဗံ၊ မှတ်အပ်ကုန်၏။ ။ မဟာသီဟနာဒသုတ်အဌကထာတွင်ပြဆိုသောကြောင့်၊ ၎င်းကျမ်းဆရာတို့အလိုအားဖြင့်၊ ရှင်တော်ဂေါတမရသောဥာဏ်သည်၊ လောကုတ္တရာဥာဏ်မဟုတ်၊ လောကီဥာဏ်ဖြစ်သည်၊ ၎င်းအပြင်တနည်းအားဖြင့်၊ ဆအာသဓရဥာဏ်တော်ခြောက်ပါးဟူသည်ကား၊ ဣန္ဒြိယပရော ပရိယတ္တိဥာဏ်၊ အာသာနုသဥာဏ်၊ ကရုဏာသမာပတ္တိဥာဏ်ဟူ၍။ ၎င်းခြောက်ပါးသောဥာဏ်ကိုရှင်ဂေါတမသာရသည်မဟုတ၊ မြေကြီးပေါ်မှာရှိသောာယောင်္ကျား၊ မိန်းမ၊ မည်သည့်လူမျိုးမဆိုတို့ရနိုင်သောဥာဏ်စုဖြစ်သည်၊ ၎င်းခြောက်ပါး၏အရာကိုအခြေအနေနှင့်ပြဦးမည်၊ ၎င်းခြောက်ပါးသောဥာဏ်တို့သည်၊ မနောဒွါရစိတ်နှင့်ယှဉ်သောအာရုံသဘောပင်ဖြစ်သည်၊ ၎င်းမနောဒွါရစိတ်နှင့်ယှဉ်၍ဖြစ်သောအကြောင်းကို အထောက်အထားပါဠိနှင့်ယှဉ်၍ ပြဦးမည်။ ။ဣဒံစိတ္တံတီသုဘဝေသုသဗ္ဗသံသစိတ္တစိတ္တာနံ။ သာဓါရဏံနတဿစိတ္တကဿနဥပ္ပဇ္ဇမာနံဆအာသာဓါရဏဥာဏနိပိဣမိနာဂတိတာရမ္မဏံမေ၀ ဂဏှန္တိမဟာဂဇံနာမေတံစိတ္တံ နဣမဿအာရမ္မဏံနာမအတ္ထိသဗ္ဗသုတဥာဏဂဟိတံနာမကတမန္တိဝုတ္တေနဣဒန္တိဝတ္တပ္ပံ။ ။အနက်ကား၊ ဣဒံစိတ္တံ၊ မနောဒွါရ၀ဇ္ဇာန်းစိတ်သည်၊ တိသု၊ သုံးပါးကုန်သော၊ သစိတ္တကကသတ္တာနံ၊ စိတ်ရှိကုန်သောသတ္တ၀ါအပေါင်းတို့၌၊ သာဓါရနံ၊ ဆက်ဆံကုန်၏၊ ကဿစိ၊ တစုံတခုသောသတ္တ၀ါအား၊ နဥပ္ပဇ္ဇတိနာမံ၊ မဖြစ်မည်သည်၊ နတ္ထိ၊ မရှိ၊ ဥပ္ပဇ္ဇမာနံပန၊ ဖြစ်သည်ကား၊ ပဉ္စဒွါရေ၊ ငါးပါးသောဒွါရတို့၌၊ ဝေါဌပ္ပနံဝုဌော၊ ဤအရာသည်၊ ဟောတိ၊ ဖြစ်၏၊ မနောဒွါရေ၊ မနောဒွါရတို့၌၊ အာဝဇ္ဇနံ၊ အာဝဇ္ဇာန်းသည်၊ ဟောတိ၊ ဖြစ်၏၊ ဆအာသာဓါရဏညာဏနီပိ၊ ခြောက်ပါးသောအာသာဓါရဏဥာဏ် တို့သည်လည်း၊ ဣမိနာ၊ ဤမနောဒွါရအာဝဇ္ဇန်းစိတ်သည်၊ ဂဟိတရမ္မဏမေ၀၊ ယူအပ်ပြီးသောအာရုံကိုသာလျှင်၊ ဂဏှန္တိ၊ ယုံကုန်၏၊ ဧတံစိတ္တံ၊ ထိုမနောဒွါရ၀ဇ္ဇန်းစိတ်သည်၊ မဟာဂဇံနာမ၊ ဆင်ပြောင်ကြီးနှင့်တူသောစိတ်မည်၏၊ ဣမဿ၊ ဤမနောဒွါရ၀ဇ္ဇန်းစိတ်၏၊ အာရမ္မဏံ၊ အာရုံမဟုတ်သောအရာမည်သည်၊ နတ္ထိ၊ မရှိ၊ အသဗ္ဗညုတညာဏဂတိဟံ၊ သဗ္ဗညုတညာဏ်မည်သည်ကား၊ ကတံနာမ၊ အဘယ်စိတ်နည်း၊ ဣတိ၊ ဤသို့၊ ၀ုတ္တေ၊ ဆိုသော်၊ ဣဒံနာမ၊ ဤမနောဒွါရစဇ္ဇန်းစိတ်ပေတည်း၊ ဣတိ၊ ဤသို့၊ ၀တ္တပ္ပံ၊ ဆိုအပ်၏၊ ဤသို့အဌသာလိနီ စတ္တပ္ပါဒကဏ္ဍတွင်ပြသောကြောင့်၊ ၎င်းဆအသာဓါရခြောက်ပါးသောအာရုံတို့၌ပင်ရကြောင်းသိအပ်သည်၊ ၎င်းမနောဒွါရ အာဝဇ္ဇန်းစိတ်၏ပြဌာန်းရာ၊ ခြောက်ပါးသောအာရုံသဘောနှင့်၊ ဆက်ဆံ၍သိသော၊ မြင်သောဥာဏ်ကိုသာလျှင် ရှင်တော်ဂေါတမ ရသည်သာတည်း၊ လောကီ၊ လေကုတ္တရာ နှစ်ဖြာသောအရာတို့ကို၊ အကြွင်းမရှိမြင်နိုင်သောအနန္တသဗ္ဗညုတဥာဏတော်ကိုသော်၎င်း၊ ကမ္ဘာမိုးမြေနှင့်တကွ၊ ခပ်သိမ်းသောအရာတို့ကို ဖန်ဆင်း စီရင်ပြုပြင်တော်မူနိုင်သော ဥာဏ်တော်ကို၎င်း၊ ရှင်တော်ဂေါတမသည် မည်သည့်အခါကမျှမရခဲ့သလို၊ ဘယ်သောအခါမျှလည်း ရမည်မဟုတ်ချေ၊ ရှင်တော်ဂေါတမသာလျှင် မရသည်ဟုအမှတ်အပ်၊ ရှင်တော်ဂေါတမကဲ့သို့၊ အိုခြင်း၊ နာခြင်း၊ သေခြင်း၊ မကင်းနိုင်းသော မြေကြီးသား အပေါင်းတို့ သည်လည်း မည်သူတဦးတယောက်မျှရသည့် အရာဟူ၍မမှတ်အပ်ပါလေ။ ။ ဆအသာဓရဥာဏ်ခြောက်ပါးကိုရှင်ဂေါတမရသည်ဆိုသောအရာကို၊ နားမလည်သောသူတို့က၊ တကဲ့အကြီးအကျယ်ဥာဏ်ဟူ၍၊ ဗုဒ္ဓဘာသာ၊ ရဟန်း၊ ရှင်လူတို့သည်၊ အမှန်ဧကောဗုဒ္ဓေါဟူ၍ထင်မှတ်မှားကြလေ၏။ ။ ထိုကဲ့သို့ထင်မှတ်သည့်အတိုင်း၊ ပိဋကတ်ကျမ်းကမပြဆိုသည့်အပြင်၊ သစိတ္တကသတ္တာနံ၊ ဆိုသောပါဠိကို၊ အဓိပ္ပါယ်ကုန်စင်အောင်ယူလျှင်၊ တိရိစ္ဆာန်ပင်ဟူ၍ရသည်၊ ယူရန်ရှိသည်။ သို့သော်လည်းဤကျမ်းကိုရေးသားသောအကျွန်ုပ်မှာ၊ ရှင်တော်ဂေါတမဥာဏ်တော်ခြောက်ပါးကို၊ တိရိစ္ဆာန်ပင်ရသည်ဟုမဆိုလိုပါပေ၊ အဌသာဠိနီဆရာဆိုသည်ကိုသာဘော်ပြလိုက်ပါသည်။ ။ရှင်တော်ဂေါတမသည်အလုံးစုံတို့ကို အကြွင်းမဲ့မသိမမြင်ကြောင်းကိုကျမ်းသက်သေခံသည်မှာ။ ။ အနမတဂ္ဂါယံဘိက္ခဝေသံသာရောပုပ္ပကောဋိနပညာယတိအာဝိဇ္ဇာနိဝရဏာနံသတ္တာနံတဏှာသံယောဇနံသန္ဓာဝတံသိံသရတံ။ ။အနက်ပြန်ရလျှင်။ ဘိက္ခဝေ၊ ရဟန်းတို့၊ အယံသာရော၊ ဤခန္ဓာအာရတနာဓါတ်တို့၏အစဉ်မပြတ်ဖြစ်ခြင်းသည်၊ အနမတဂ္ဂေါ၊ အတိုင်းအရှည်မရှိ၊ အ၀ိဇ္ဇာန်ဝရဏာနံ၊ အ၀ိဇ္ဇာနိဝရရှိကုန်သော၊ တဏှာသံယောဇနာဏံ၊ တဏှာသံယောဇဉ်တည်းဟူသောကြိုးဖြင့်ဖွဲ့ အပ်ကုန်သော၊သန္ဓာဝတုံ၊ ဤဘ၀မှသည်၊ သံသရန္တ၊ ပြောင်းသွားကုန်သော၊ သတ္တာနံ၊ သတ္တ၀ါတို့၏၊ ပုဗ္ဗေ ရှေးဖြစ်ကုန်သော၊ ကောဋိ၊ အစွန်းကို၊ နကညာယတိ၊ ငါမသိငါမထင်နိုင်ကုန်။ ။ ဤကဲ့သို့ နိဒါန၀ါရသံယုတ်အနမတဂ္ဂသုတ်တွင်ပြသည်၊ ထိုသို့ပြဆိုသည်ဖြစ်သောကြောင့်၊ ရှင်တော်ဂေါတမ၌အလုံးစုံအရာတို့ကို၊ သိမြင်နိုင်သောဥာဏ်မရှိကြောင်းကိုသိရလေသည်။ ။၎င်းနိဒါန၀ရံသံယုတ်ကျမ်းသည်လည်း၊ ရှင်ဗုဒ္ဓဃောသ၊ သီဟိုဠ်မှပြန်ရောက်၍နှစ်ပေါင်းတထောင်အတွင်း၊ သထုံပြည်မှာရေးသောကျမ်းဖြစ်သည်၊ ၎င်းအပြင်ရှင်တော်ဂေါတမသည်၊ ကိုယ်တိုင်ရှိစဉ်ကပင် မသိကြောင်းကိုထင်ရှားစွာဟောကြားထားသည်ကို၊ ဗုဒ္ဓ၀င်ကျမ်းတို့၌တိုက်ရိုက်ပြဆိုသည်မှာ၊ ရှင်တော်ဂေါတမသည်၊ ဗေဓိညောင်ပင်သို့ရောက်၍၊ သတ္တဌာန၊ လေးဆယ့်ကိုးရက်စေ့ပြီးသည့်နောက်။ ကပ္ပိလ၀တ်ပြည်မှမိမိထွက်လာစဉ်အခါက၊ ရှေးဦးစွာလောကဈာန်ရှစ်ပါးကို၊ သင်ယူခဲ့ဘူးသောပဌမဆရာ၊ အာဠာရရသေ့ထံ တရားစောသွားမည်ဟု့အကြံရှိရာ၊ ၎င်းအကြံကို နတ်သားတယောက်ကသိ၍ပြောသည်မှာ၊ အာဠာရရသေ့သည်လွန်ခဲ့သောခုနှစ်ရက်မြောက်ကပင် သေဆုံးသွားပါပြီဟူ၍ဆိုရလေ၏၊ တဖန်၊ ရှင်တော်ဂေါတမသည်၊ ဒုတိယ ဆရာဖြစ်သော ဥဒက ရသေ့ထံသို့သွားမည်ဟုအကြံရှိလေပြန်ရာတွင်၊ အထက်နည်းတူ နတ်သားကဆိုလေသည်မှာ၊ ယမန်ညသံခေါင်းယံအချိန်ကပင် ၎င်းလည်းသေဆုံးသွားပြီဖြစ်ကြောင်းကြားပြောလေ၏၊ ဤသည်ကိုကြည့်ခြင်းအားဖြင့်၊ ထိုရသေ့ဆရာညီနောင်တို့ဆုံးသွားသည်ကိုပင် မသိကြောင်းဗုဒ္ဓ၀င်တို့တွင် တိုက်ရိုက်ဖေါ်ပြထားလေသည်။ ထို့ကြောင့် ရှင်တော်ဂေါတမ၌အကြွင်းမဲ့သိကြွမ်းသောနိုင်သောဥာဏ်မရှိကြောင်းကို ရှင်းလင်းစွာသိရှနိုင်ပေသည်။ ယခုဆိုပြခဲ့သောအရာတို့ကိုမစဉ်းစားလိုသောသူတို့က၊ နတ်သားမပြောဘဲနှင့်သိပါသည်ဟူ၍ မဖြေမိပါစေနှင့်ဦးလေ။ ကထေဋက မျသာပုစ္ဆာဖြစ်မည်၊ အသိပေးလိုပါသည်။ ။ အကယ်၍ယခုဗုဒ္ဓဘာသာရဟန်း၊ ရှင်လူတို့ ယူကြသည့်အတိုင်း၊ ရှင်ဂေါတမ၌အကြွင်းမရှိသိနိုင်၊ မြင်နိုင်သော သဗ္ဗညုတဥာဏ်ကိုရရှိပါစေဦးတော့၊ အလုံးစုံတို့ကို ဖန်ဆင်းပြုပြင်စီရင်နိုင်သော၊ ဥာဏ်ရှင်မဟုတ်သောကြောင့်၊ ဘုရားဟူ၍အခေါ်မခံထိုက်ပါပေသေး။ ရှင်တော်ဂေါတမသည်၊ ဥပမာပြရပါကအဘယါ သို့သောသူနှင့်တူပါသနည်းဟူမူကား၊ ဆပ်ကပ်ပွဲတွင် ပဌမတန်းက၀င်၍ကြည့်သောသူနှင့်တူစရာရှိပါ၏။ ဆပ်ကပ်ပွဲ၏အကြောင်းကိုပြောမည်၊ တခါတရံအနောက်နိုင်ငံကြီးမှလာ၍မြန်မာပြည်၌ရှိသော၊ ရန်ကုန်၊ မန္တလေး၊ ပြည်၊ မော်လမြိုင် အစရှိသည်တို့တွင်ကွဲခင်းလျှင်၊ ထိုဆပ်ကပ်ဆရာသည်ပြလျှင်၊ ထိုအခါမြို့သူမြို့ သားတို့သည်။ မိမိတို့ငွေအနည်း၊ အများတို့ကိုလိုက်၍၊ ပဌမတန်း၊ ဒုတိယတန်း၊ တတိယတန်း အစရှသည်တို့ဖြင့်ထိုပွဲကြီးကို ၀င်၍ကြည့်ကြပေမည်၊ထိုအခါဆပ်ကပ်ဆရာတို့ပြသော အရာတို့ကိုလူတိုင်းကတိုးဝှေ့ကာဝင်၍ ကြည့်နိုင်မည်မဟုတ်ချေ။ ကြည့်ရသည်လည်းမဟုတ်သောကြောင့်၊ ဆပ်ကပ်ပွဲကို ပဌမတန်းက၀င်၍ ကြည့်သောသူသာလျှင်၊ တခါမျှမမြင်၊ မကြားဘူးသောကျေးတောသူတို့အား၊ မိမိမြင်သည့်အတိုင်းပြောသောအခါတွင်၊ ကျေးရွာသူ/သားတို့က သူတို့ကိုယ်တိုင် မမြင်ရသောကြောင့် ပြောပြသောသူအားအလွန်အံသြချီးမွမ်းကြလေ၏၊ ၎င်းဥပမာကိုဤမျှနှင့်တော်ဦးမည်။။ ၎င်းဥပမာတွင်စဉ်းစားရန်ရှိသည်မှာ၊ ဆပ်ကပ်ပွဲအကြောင်းကိုပြောဆိုနိုင်သောသူသည်၊ ဆပ်ကပ်ဆရာပြသ၍သာမြင်ရ၍ပြောပြနိုင်သည်၊ ၎င်းဆပ်ကပ်ဆရာမပြသောအရာတို့ကိုကား၊ မမြင်၊ မသိရသောကြောင့်ပြောပြနိုင်မည်မဟုတ်ပေ၊ သို့သော်လည်း၎င်းဆပ်ကပ်ပွဲက အခမ်းအနားအကြောင်းကို တခမ်းမနားပြောပြသွားသောအခါတွင်၊ ကုန်စဉ်အောင်တခုမကျန် ပြောဆိုနိုင်သော်လည်း (အထူးသတိပြုရန်မှာ) ထိုသူသည်၊ ဆပ်ကပ်ကွဲကိုပြုပြင်စီရင်နိုင်သောသူကား လုံးလုံးမဟုတ်ပါလေ။ ဥပမေယျ ထိုနည်းတူစွာဆိုရပါလျှင်၊ ပဌမတန်းရှင်ဘုရင်၏သားဖြစ်သော ရှင်တော်ဂေါတမသည်၊ ဘုရားသခင်ပြတော်မူသောလောကီ၊ လောကုတ္တရာအရာတို့ကိုသိမြင်ရ၍၊ ပစ္စ န္တရစ်အရပ်သားတို့ အားအကြွင်းမရှိဟောပြောပြသနိုင်သော်လည်း၊ ဆပ်ကပ်ကိုကြည့်ရသောသူသည်၊ ဆပ်ကပ်ဆရာမဖြစ်နိုင်သကဲ့သို့၊ ထိုနည်းတူရှင်တော်ဂေါတမသည်လည်း၊ အလုံးစုံတို့ကိုစီရင်ပြုပြင်နိုင်သောအနန္တ၊ အစိန္နေယျ၊ အပ္ပမေယျ သဗ္ဗညုတရွှေဥာဏ်ရှင်ကားမဖြစ်နိုင်ရာ။ ။

Posted in: ဗုဒ္ဓေါဝါဒ