ကျမ်းစာများအကြောင်းကို ရေးရာ၊ ရှင်တော်ဂေါတမ မပေါ်ထွန်းမီက ရှိသော ကျမ်းနှင့်၊ ရှင်တော်ဂေါတမ ပေါ်ထွန်းပြီးမှ ပြုစု၍ ရှိသော ကျမ်းဟူ၍ နှစ်မျိုး နှစ်စား ခွဲခြားထားနိုင်သည်ဖြစ်၍၊ ရှေးဦးစွာ ရှင်တော်ဂေါတမ မပေါ်ထွန်းမီရှိနှင့်သော ကျမ်းစုကို အချုပ်အားဖြင့် ဖေါ်ပြပါအံ့။ ထိုသို့ပြရာတွင် ရှင်တော်ဂေါတမ၏ မွေးဖွားရာ ဖြစ်သော အိန္ဒိယတိုင်းသားတို့၏ ရာဇဝင်သမိုင်းမှ ယူ၍ ပြသရလိမ့်မည်။ အခြား အားကိုး အားထားစရာမရှိဖြစ်ချေသည်။
က။ ဗြဟ္မာတို့ ကျမ်းများ။
ဗုဒ္ဓသာသနာ ပေါ်ထွန်းတော် မမူမီ၊ ဟိန္ဒူဗြဟ္မဏ လူမျိုးတို့တွင် ဇတ်လေးဦး၊ ဗေဒင်လေးပုံဟူ၍ ဗေဒင်ကျမ်းတို့သည် ထင်ရှားစွာ ဖြစ်ပေါ်နှင့် လေကုန်သည်။ ထိုသို့ဖြစ်ပေါ်နှင့်ပြီးသော ကျမ်းတို့တွင်၊ ဣရုဗေဒင်ကျမ်းသည် ပဌမအဦးဆုံးသော ကျမ်းဖြစ်၏။ ထိုကျမ်း၏ မူလအစပေါ်သော အချိန်ကာလကို အမှန်သိနိုင်ရန် ခဲယဉ်းပေ၏။ သူတို့၏အဆိုမှာ ခရစ်တော်ပေါ်ထွန်းတော် မမူမီ နှစ်ပေါင်း ၃၀ဝ၀ လောက်က ရှိနှင့်ကြောင်းကို ဆို၏။ သို့သော်ဥရောပတိုက်သား ပညာရှိများတို့က မှတ်ချက်အတိုင်း၊ ဗေဒင်ကျမ်း၌ ပါသော နက္ခတ်များကို မှတ်သားတွက်စစ်သော်၊ ခရစ်တော် မပေါ်မီ နှစ်ပေါင်း ၁၄၀ဝ ခန့်က၊ သီချင်းများကို လက်တန်းစပ်ဆိုဆဲဖြစ်မည်ဟု ချင့်ချိန်၍ သိရကြသည်။ ဣရုဗေဒင်ကျမ်းသည် လင်္ကာတို ကဏ္ဍပေါင်း ၁၁၁၇ ခုရှိ၍၊ ပါထာပေါင်း ၁၀၅၈၀ ရှိသော အလွန်ဟောင်းသော သီချင်းစုဖြစ်သည်။ ထိုကျမ်းနောက်မှ ထပ်၍ပြုသော၊ မိမိတို့ဘုရားသောမကို ကိုးကွယ်ရာတွင်၊ ယဇ်ပူဇော်ရန် အချိန်ကို တွက်စစ်၍ပြသော ကျမ်းကို သောမဗေဒင်ကျမ်း၊ ၄င်းကျမ်း၌ ၊ နေ၊လ၊ နက္ခတ်တို့၏ အသွားအလာကို တွက်စစ်၍ပြ၏။ ၄င်းမှတဖန် ကြီးကျယ်သော ယဇ်ပူဇော်ရာ အခမ်းအနားကိုပြသော ကျမ်းကို။ ယခု ဗေဒင်ကျမ်းဟူ၍၄င်း၊ အထက်သုံးကျမ်းပါ သီချင်းတို့မှ တဆင့်ဆက်၍ ဖွဲ့ဆိုသီကုံးသော ကျမ်းကို အာတပ္ပန ဗေဒင်ကျမ်းဟူ၍၄င်း၊ ဗေဒင်ကျမ်းလေးပုံ ဖြစ်ပေါ်နှင့်လေပြီ။
ခ။ ဗြဟ္မာတို့ကျမ်းမှ ပိဋကတ်ကျမ်း ဖြစ်ပွားလာခြင်း အကြောင်း။
ဗုဒ္ဓမြတ်စွာသည်၊ နိယမတရားကို ဟောထား၍၊ တရားသည် အစဉ်ရှိနှင့်ကြောင်းကို ပြသည်သာမက၊ တစုံတခုသော သိက္ခာပုဒ်ကိုပညတ်တော်မူမည် အကြံတော်ရှိတော်မူလျှင်၊ ရှေးပညတ် ရှိ၏၊ မရှိ၏ကို ဆင်ခြင်တော်မူပြီးမှ ပညတ်တော်မူ၏။ ထို့ကြောင့်၊ ဧက္ကနိပါတ်တော်မှအစ၍၊ အစောင်စောင်သော နိပါတ်တို့၌၄င်း၊ သုတ်၊ ဝိနည်း၊ အဘိဓမ္မာ ပိဋကတ်တို့၌၄င်း၊ ဗြဟ္မတို့ ကျမ်းစကားအချို့ကို သွင်း၍၊ အချို့သော ကျမ်းတို့ကိုလည်း၊ သင်္သကရိုက်ဘာသာမှ၊ မရဓဘာသာသို့ ပြန်ဆိုရေးသား၍၊ ပိဋကတ် အဝင်အပါ သွတ်သွင်းကြလေသည်။ ပမာဘန္တကို ပြရသော်။ ။နိကဏ္ဍုကျမ်း=အဘိဓါန်ကျမ်းတည်း။ သစ်ပင်၊ တော၊ တောင် အစရှိသော အထူးထူးသော အမည်တို့ကို ပြသောကျမ်း။ ကေတုဘကျမ်း=လောကီသဒ္ဒါကျမ်းတည်း။ အက္ခရာတို့ကို ခွဲပြသောကျမ်း။ ဣတိဟာသကျမ်း=ရှေးလူဟောင်းတို့ ဖွဲ့ဆိုသော စကားဟောင်းကျမ်း။
ထိုမှတပါး၊ ဆန်းကျမ်း၊ အလင်္ကာကျမ်း၊ သဒ္ဒါကျမ်း၊ အဘိဓါန်ကျမ်းတို့သည်၊ ဗေဒင်ကို ညီမျှအောင်စီရင်၍၊ ပိဋကတ်သုံးပုံဟုလျှက်၊ အာတပ္ပန ဗေဒင်ကိုကွယ်စေကြောင်း၊ ရှေးလူဟောင်းတို့စကားရှိ၏။ ကျွန်ုပ်တို့ငယ်ရွယ်စဉ်က သင်ရသော ဆုတောင်းစာ၌၊ ပဋကတ်ဗေဒင်၊ သင်သင်သမျ၊ ကြားခါမြင်ခါ၊ မကြာခဏ၊ တတ်စေသော်ဟု သင်ရသည်။ ထိုမှတပါး၊ ဗေဒင်မှ ပိဋကတ်ဆက်နွယ်ကြောင်း ဝေဿန္တရာဇာတ် အဌကထာ၌၊ မဒ္ဒီဒေဝီသည် ၊မြတ်သောယောင်္ကျားကောင်းကိုရရန်၊ မြင်းနှင့်ယဇ်ပူဇော်ကြောင်းဘော်ပြ၍ ထား၏။ ဘူရိဒဇာတ်၌လည်း၊ အချို့သော ဗေဒင်အယူကိုပယ်လျှက် တချို့ကို လက်ခံကြောင်းတွေ့ရလေသည်။ ဗေဒင်ကျမ်းတို့မှ၊ ပိဋကတ်သုံးပုံခေါ် ကျမ်းဖြစ်လာကြောင်း သိရလေသည်။
ဂ။ ပိဋကတ်သုံးပုံခေါ်သော ကျမ်းများ။
ပိဋကတ်သုံးပုံမှာ၊ ကျမ်းရင်း ၁၅ ကျမ်းရှိ၏၊ ဤကျမ်းတို့ကို ဗုဒ္ဓမြတ်စွာဟောထားခဲ့သော်လည်း။ သူ၏လက်ထက်တော်တွင်ရေးသား၍ မထားကြဘဲ၊ ရဟန္တာအရှင်မြတ်တို့သည်၊နှုတ်တက်အာဂုံဆောင်ကြသည်ဟု အဆိုရှိ၏။ ရှင်တော်ဂေါတမ မရှိသည့်နောက်၊ နှစ်ပေါင်း ၄၅၈ နှစ်ကြာ၍၊ သီဟိုဠ်ကျွန်းကို အုပ်စိုးသော ဝဋ္ဋဂါမနီမင်းလက်ထက်ရောက်မှ၊ နောင်ခါ သတ္တဝါတို့ပညာသတိဆုတ်ယုတ်သဖြင့်၊ နှုတ်ထက်ရွရွမဆောင်စွမ်းနိုင်သည်ကို ဆင်ခြင်၍၊ ရဟန္တာတို့သည် တညီတညွတ်တည်း စည်းဝေးတိုင်ပင်ပြီးလျှင်၊ ပေရွက်ပေါ်၌ အက္ခရာတင်၍ ရေးထားကြလေသည်။ ဤအချိန်ကစ၍ ယခုတိုင် ပိဋကတ် သုံးပုံဟု ထင်ရှားလေသတည်း။
0 comments:
Post a Comment