ခရစ်တော် ၏ (၁၈)နှစ် ပြဿနာ

နိဒါန်း
အကျွတ်တရားလမ်းကို ဖေါ်ပြသော ဘုရား၏ ကျွန်အမှုတော်ဆောင်သည် ကျွန်တော်မျိုး၏ သာသနာပြုသက်တမ်း တလျှောက်လုံးတွင် အများဆုံးအမေးခံရသော မေးခွန်းကြီး သုံးခွန်းမှာ အောက်ပါအတိုင်းဖြစ်သည်။
သည် အသက်(၁၂) နှစ်မှအသက် (၃၀) အကြားတွင် (၁၈)နှစ်ကာလပါတ်လုံး
(၁) မည်သည့်အရပ်သို့သွားရောက်ခဲ့၍
(၂) မည်သည့်ပုဂ္ဂိုလ်ထံတွင် တပည့်ခံယူပညာဆည်းပူးကာ
(၃) မည်သည့်တရားတော်မြတ်ကို ဆက်လက်ဟောကြားတော်မူခဲ့ပါသနည်း ဟူ၍ပင်ဖြစ်ပါသည် ။
စိတ်ဝင်စားဖွယ်ကောင်းခြင်း၊ သိအပ်သော ဗဟုသုတဖြစ်ခြင်းတို့ကြောင့် အပင်ပန်းခံ ပြုစုပါသည်။ စေတနာ၊ မေတ္တာကို အရင်းခံထားပါသည်။ မေးသူတိုင်း၌ အပြစ်မရှိပါ၊ ဗွေမယူပါ၊ မေးသင့်မေးအပ်သော အကြောင်းတရားဖြစ်၍ မေးမြန်းခြင်းဖြစ်ကြောင်း ခံယူထားပါသည်။ တရားခံအစစ်မှာ မြန်မာပြည်မှ မေးသူမဟုတ်ပါ၊ မူလမေးမြန်းသူ ရေးသားသောသူမှာ တိုင်းတပါးမှသာ ဖြစ်ပါသည်။ ထိုသူတို့၌လည်းအပြစ်မရှိပါ။ ရေးသားသူ မေးမြန်းသူကိုပင် ကျေးဇူးတင်ရပေမည်။ အမေးရှိမှ အဖြေရှိရမည်မဟုတ်ပါလား၊ ဖြေဆိုရာတွင် မှန်ကန်သောအဖြေနှင့် မမှန်ကန်သောဖြေ တခုခုဖြစ်ရပေတော့မည်။ အဖြေမှန်လျှင်တော်၏။ အဖြေမှားခြေက စိတ်စေတနာအမှန်နှင့် စိတ်စေတနာအမှား တခုခုဖြစ်နိုင်ပြန်ပေသည်။ မည်သို့သောစိတ်အကြောင်းအရင်းကပင် ပေါ်ပေါက် ဖြေကြားစေကာမူ ဖြေကြားဝံ့သောသတ္တိကြောင့် ချီးမွမ်းထိုက်ပေသည်။ ထို့အပြင် ဖြေကြားပေးမူကြောင့် လူတိုင်းအတွက် ဗဟုသုတဖြစ်လာ၏။ ဟုတ်မဟုတ်လေ့လာရမည်သာ ဖြစ်ပေသည်၊ စိတ်ဆိုး၊ နာကျဉ်း၊ ဒေါသထွက်၊ ရန်ပြုလိုသောစိတ်ဖြစ်ပွားရန် လုံးဝမဟုတ်ဘဲ၊ စစ်ဆေးပြီး အမှား အမှန်ချင့်ချိန် ရှာဖွေရန်၊ မှန်သောအဖြေပေးနိုင်ရန်သာ ခရစ်ယာန်တို့၏ တာဝန်ဖြစ်ပေတော့သည်။ မှားလျှင်ရိုးသားစွားဖြင့် စေတနာမေတ္တာ အရင်းခံကာ ရှင်းပြရန်သာရှိလေသည်။ မှန်နေပါကလည်း စွန့်လွတ်လိုက်ရုံမျသာ ရှိပါသည်။ ပတ္တမြားမှန်လျှင်နွံ နစ်သော်မှ အရည်အသွေး၊ အရည်အချင်းတပြားမှ ယုတ်လျှော့သွားရိုး ထုံးစံမရှိပါ။ နုတ်ကပါတ်တော်သည် အစဉ်မှန်၍ အစစ်ခံသော တရားဖြစ်ကြောင်း စွဲမြဲစွာ ခံယူနားလည်ဖို့သည်လိုပါသည်။ အချိန်က အရာရာအားလုံးကို ကုစားသွားပါလိမ့်မည်။ ခရစ်တော်ပင် အချိန်တန်မှ ( In the fullness of time) လူ့ဇာတိခံယူဖွားမြင်ခြင်း ပြုခဲ့သည်မဟုတ်ပါလော။ အချိန်ကြာညောင်းလာသည်နှင့်အမျ ခေတ်သစ်သိပ္ပံ ဖွံ့ဖြိုးလာသည်နှင့်အမျှ သမ္မကျမ်းစာ၌ ဗျာဒိတ်ပြုချက်တို့သည် ပိုမိုပြည့်စုံမှန်ကန်လာနေကြောင်းသာ တွေ့နေကြရပြီ မဟုတ်ပါလော။
`` ဗုဒ္ဓ၀ါဒပြဿနာများ´´ ဟူသောစာအုပ်ပါ ခရစ်တော်၏အကြောင်း တစေ့တစောင်း ရေးသားကိုးကား ပြထားသည့် အချက်အလက်များကြောင့်သာလျှင် အထက်ပါမေးခွန်းကြီးများ မြန်မာပြည်သား အဖို့ ပေါ်ထွက်လာရခြင်းဖြစ်ပါသည်။ ၎င်းကို ``၀င်းမော်ဦးစာပေ´´ မှဖြန့်ချီသည်။ ဇာတ်လမ်းပါအရ မေးမြန်းသူမှာ ခရစ်ယာန်ဘုန်းကြီး J.F.Willson, (M.A), Oxford University,ဘုံဘေမြို ဟဲလီစတုံး ကောလိပ်ကျောင်း၊ အင်္ဂလိပ်ပါမောက္ခဆိုသူ ဖြစ်သည်။ မြေဆိုသူမှာ ဆရာတော်အရိယာဓမ္မ ဖြစ်သည်ဟုပါရှသည်။
၎င်းစာအုပ်အပြင် ကမ္ဘာ ကိုချုပ်ကိုင်မည့်သူ ဟူသောစာအုပ်ကို ဌေးလှိုင် ရေးသားရာ၌ ခရစ်တော် (သို့) ဦးဇီဝကိရိန္ဒ ဟူသော ခေါင်းစဉ်ဖြင့် စာမျက်နှာ (၂၆၂-၂၆၆) တွင် ထိုအကြောင်းကိုပင် ထပ်မံကိုးကားပြထားသည်ကို တွေ့ရပြန်ပါသည်၊ ၎င်းကိုးကားသော (The Unknown Life of Jesus Christ) စာအုပ်ကိုလည်း ၎င်းထံတွင် ငှားယူဖတ်ရှုနိုင်ကြောင်းပါရှိသေးလေသည်။
အထက်ပါ စာရေးဆရာ အကျော်အမော် များနှင့် ထိုစာအုပ်များကြောင့် တိုက်ထားသော မေးခွန်းများကဲ့သို့ ဖြစ်နေရခြင်း၊ ရဲရဲတင်းတင်း၊ အားပါးတရ မေးခွန်းထုတ်၍ မေးမြန်းကြခြင်း ဖြစ်ကြောင်း ထင်းရှားနေပါသည်။

Posted in: ၁၈ နှစ်အဖြေ